ASEMBLEA

A Asemblea é o órgano soberano de Cegasal: reúne aos Centros Especiais de Emprego de Iniciativa Social asociados e é a que adopta as decisións fundamentais e estratéxicas. Encárgase de aprobar as contas, elixir e fiscalizar a Xunta Directiva, marcar as liñas de traballo da entidade e resolver cuestións estruturais, garantindo a participación democrática de todos os CEEIS.

XUNTA DIRECTIVA

EQUIPO TÉCNICO

ESTHER BLANCO ARAÚJO

Axente de emprego e coordinadora da entidade

Desempeña un papel central na xestión técnica, económica e organizativa de Cegasal. Cunha ampla experiencia na promoción de políticas activas de emprego vinculadas ao territorio e ás persoas con discapacidade, lidera a elaboración de proxectos, a coordinación institucional, a comunicación e a relación directa cos centros asociados. Tamén representa á entidade en diferentes espazos como o Consello Galego de Benestar Social ou o Consello Económico e Social de Galicia.

“Dende Cegasal traballamos diariamente pola inclusión real, polo fomento do emprego digno e de calidade para as persoas con discapacidade; estar empregado non só proporciona un sustento económico, senón que tamén mellora o benestar psicolóxico, a autoestima, a autorealización e o sentido de pertenza".

En Cegasal contamos cun equipo técnico que traballa a diario a prol da promoción do emprego digno e de calidade para as persoas con discapacidade a través dos Centros Especiais de Emprego de Iniciativa Social asociados. A súa dedicación, experiencia e visión social son fundamentais para avanzar cara a unha economía máis inclusiva, sostible e centrada nas persoas

MONTSERRAT VALENCIA LEÓN

Técnica de proxectos

Achega unha sólida formación xurídica e ambiental, así como unha ampla experiencia en entidades do terceiro sector e na administración pública. Especializada en economía social, desenvolve funcións de asesoramento técnico, formulación de iniciativas e apoio ao desenvolvemento de proxectos estratéxicos. A súa traxectoria vincúlase á defensa dos dereitos sociais e ao impulso de políticas públicas centradas no benestar e na sostibilidade.

“Traballar para os Centros Especiais de Emprego de Iniciativa Social é un labor profundamente significativo, enfocado na inclusión, a dignidade e o desenvolvemento persoal e profesional de persoas con discapacidade. Construímos moito máis que emprego: construímos futuro”.

Ademais, Montserrat Valencia forma parte do equipo de dirección de ForoESGal, onde xestiona as relacións institucionais de ForoESGal con outros axentes da economía social galega e estatal.

ÓRGANOS DE CONTROL E SUPERVISIÓN

Contamos cun Órgano de control e supervisión integrado polas principais organizacións sindicais e entidades promotoras dos centros especiais de emprego de iniciativa social, que de modo aberto participan en aspectos que afecten as iniciativas de economía social ou ao emprego de persoas con discapacidade.